سفنے دے وچ ملیا یار
Skip to main content
سفنے دے وچ ملیا یار
پھلاں وانگوں کھلیا یار
سرت گوا کے کھٹیا کی
اپنے آپ نوں بھلیا یار
منزل عشق دی اوکھی ملدی
ڈھونڈ ڈھونڈ کے تھکیا یار
ساہواں دی تکرار تے سن
وچ ساہواں دے وسیا یار
سلیم کہانی عشق دی کھلی
یار دی خاطر وکیا یار
سولی تے منصور سی بنیا
آرے دے نال چریا یار
شہہ رگ نالوں نیڑے سی
کیوں نہ مینوں دسیا یار
ہیر دی ڈولی کھیڑے لیگئے
رانجھا نہ فیر ہسیا یار
راز ازل دا پاون خاطر !!!
بلھا جگ تے نچیا یار ۔
Comments
Post a Comment