دیوانہ بنا دے مجھے دیوانہ بنا دے
اے مست نظر مجھ کو بھی مستانہ بنا دے
وہ کہہ رہا ہے مجھ سے کہ دیوانہ بنا دے
دنیا کی سبھی نظروں سے بیگانہ بنا دے
دیوانہ بنا دے مجھے دیوانہ بنا دے
میں کہہ رہی ہوں نور سے مجھ کو بھی عطا کر
میرے جنوں کو طور کا افسانہ بنا دے
اے چارہ نفس حُسنِ قفس حُسنِ حبیبی
میرے لیے تُو پیت کا پیمانہ بنا دے
اے روح کی بینائی اے دل کی بے قراری
اے پیاس کو پُروائی دے میخانہ بنا دے
مالک نے ترے حُسن کو میخانہ بنایا
اے حُسنِ ولایت کوئی رندانہ بنا دے
اے دیدہ ور اس دید کے قربان میں تیرے
مجھ کو بھی تری نرگسِ مستانہ بنا دے
دریا کی نگہ والے وے صحرا پہ کرم کر
مجھ پر تری مرضی ہے تُو ویرانہ بنا دے
دنیا سے جدا رنگ ہے وے میرے جنوں کا
میرے لیے تُو رنگِ جدا گانہ بنا دے
ویسے یہ حقیقت ہے کہ شہرو ہے شہِ رُو
تصویر ہوں لیلیٰ کی وے افسانہ بنا دے
زمینِ جگر مراد آبادی
read more
ہاتھ چھوٹیں بھی تو رشتے نہیں چھوڑا کرتے
our
