حمد رب کریم
حمد و ثنا سے عاری ھوں پھربھی تو میرا رب
عجز و دعا سے خالی ھوں پھر بھی تو میرا رب
لکھنے کاڈھنگ بخشا مولاۓ کل مجھ کو
لکھوں مگر نہ شان خدا پھر بھی تو میرا رب
ھم کو غنی کیا ھے سبھی تیرا کرم حضور
دے دوں مگر نہ راہ خدا پھر بھی تو میرا رب
تو نے بنایا بےنظیر کاینات میں
کھو دوں اگر انعام خدا پھر بھی تو میرا رب
ھم کو عطا کیں تو نے دنیا کی نعمتیں
ھر دم کروں نہ شکر خدا پھر بھی تو میرا رب
کتنا بڑا ھے ظرف میرے رب جلیل کا
فیضی نابلد فیض خدا پھر بھی تو میرا رب
