ہم کو منظور نہیں پھر سے بچھڑنے کا عذاب

 ہم کو منظور نہیں پھر سے بچھڑنے کا عذاب

اس لیے تجھ سے ملاقات نہیں چاہتے ہیں

کب تلک در پہ کھڑے رہنا ہے ، ان سے پوچھو

کیا وہ محشر کا تماشہ بھی یہیں چاہتے ہیں

عاشقی صبر طلب اور تمنا بے تاب ..

عاشقی صبر طلب اور تمنا بے تاب ..

دل کا کیا رنگ کروں خون جگر ہونے تک ..
 

اگر نہ زھرہ جبینوں کے،درمیان سے گزرے

 اگر نہ زھرہ جبینوں کے،درمیان سے گزرے

تو پھر یہ کیسے کٹے زندگی،کہاں سے گزرے

جو تیرے عارض وگیسو،کے درمیان گزرے

کبھی کبھی وہ ہی لمحے،بلسئے جاں گزرے

مجھے یہ وہم رھاکہ مدتوں،کہ جرات شوق

کہیں نہ خاطر،معصوم پر، گراں گزرے

جنون کے سخت مراحل بھی،تیری یاد کے ساتھ

حسین حسین نظر آئے،جواں جواں گزرے

مری نظر سے،تری جستجو کے صدقے

یہ اک جہاں نہیں،سینکڑوں جہان گزرے

ہجوم جلوہ میں،پرواز شوق کیا کہنا

کہ جیسے روح،ستاروں کے درمیاں گزرے

خطا معاف،زمانے سے بد گماں ھو کر

تیری وفا بھی،کیا کیا ہمیں گماں گزرے

مجھے رھا شکوہ ہجراں،کہ یہ ھوا محسوس

مرے قریب سے ھو کر،ناگہاں گزرے

رہ وفا میں اک ایسا بھی ،مقام آیا

کہ ہم خود اپنی طرف سے بھی،،بد گماں گزرے

خلوص جس میں ھو شامل،وہ دور عشق ھوس

نہ رائگاں کبھی گزرا،نہ رائیگاں گزرے۔۔۔سحر

میں جوش میں آیا تو یہی قلزم ہستی

 میں جوش میں آیا تو یہی قلزم ہستی

یوں سمٹا کہ جیسے کوئی قطرہ میرے آگے

🔥

واصف علی واصف

تم تسلسل ہو میری سانسوں کا

 تم تسلسل ہو میری سانسوں کا 

تم مرے جسم کی حرارت ہو 

تم مرا گوشوارۂ شب و روز 

تم ہی مصروفیت ہو فرصت ہو 

🍁

وقار سحر

دل مسل دیتی ہے غم کی سیاہ رات

 دل مسل دیتی ہے غم کی سیاہ رات 

بادلوں نے رکھےچاند پر جو اپنے ہاتھ

ٹوٹے جو میرے خواب راتیں بنیں عذاب 

ڈھلتی اداس شام نے رکھے جو اپنے ہاتھ 

نسرین چوہدری

تمام رات وہ جاگا ہے

 تمام رات وہ جاگا ہے 

دل کے بستر ۔۔۔۔۔ ۔پہ

میرے خیال سے۔۔اک

پل جدا نہیں ۔۔۔ ہوتا۔۔۔ ۔ نسرین چوہدری 

فراق یار میں الجھے

تو دل کو ۔۔۔۔بہلایا 

 وقت کا فیصلہ

کوئی سدا نہیں ہوتا

نسرین چوہدری

تفسیرِ کائنات کی __ گرہیں نہ کھل سکیں

تفسیرِ کائنات کی __ گرہیں نہ کھل سکیں

سوچوں کے خلفشار میں مارے گئے ہیں ہم !

🔥

 

ایک سایہ سا جو دل میں اتر آتا ہے

 ایک سایہ سا جو دل میں اتر آتا ہے 

وہ میری فکر سے پھردل میں اتر آتا 

ہے 

شب فرقت میں اندھیروں نےاگر گھر

لیا

کوی سورج کی طرح دل میں اتر آتا 

ہے 

کب فراموش کیا ہم نے تیری یادوں کو 

دل کو سمجھاؤں تو دل مجھے سمجھاتا

ہے

عشق مغرور ہے اب شکوہ شکایت کیسی

حسن مغرور ہو تو محفل میں بھی اتراتا

ہے

نسرین چوہدری

بجھے چراغ جلانے میں دیر لگتی ہے

 بجھے چراغ جلانے میں دیر لگتی ہے

نصیب اپنا بنانے میں دیر لگتی ہے

وطن سے دور مسافر چلے تو جاتے ہیں

وطن کو لوٹ کے آنے میں دیر لگتی ہے

تعلقات تو اک پل میں ٹوٹ جاتے ہیں

کسی کو دل سے بھلانے میں دیر لگتی ہے

بکھر تو جاتے ہیں پل بھر میں دل کے سب ٹکڑے

مگر یہ ٹکڑے اٹھانے میں دیر لگتی ہے

یہ ان کی یاد کی خوشبو بھی کیسی ہے خوشبو

چلی تو آتی ہے جانے میں دیر لگتی ہے

وہ ضد بھی ساتھ میں لاتے ہیں جانے جانے کی

یہ اور بات کہ آنے میں دیر لگتی ہے

یہ گھونسلے ہیں پرندوں کے ان کو مت توڑو

انہیں دوبارہ بنانے میں دیر لگتی ہے

وہ دور عشق کی رنگیں حسین یادوں کے

نقوش دل سے مٹانے میں دیر لگتی ہے

یہ داغ ترک مراسم نہ دیجئے ہم کو

جگر کے داغ مٹانے میں دیر لگتی ہے

خبر بھی ہے تجھے دل کو اجاڑنے والے

دلوں کی بستی بسانے میں دیر لگتی ہے

تمہیں قسم ہے بجھاؤ نہ پیار کی شمعیں

انہیں بجھا کے جلانے میں دیر لگتی ہے

بھلاؤں کیسے اچانک کسی کا کھو جانا

یہ حادثات بھلانے میں دیر لگتی ہے

ذرا سی بات پہ ہم سے جو روٹھ جاتے ہیں

انہیں تو سوزؔ منانے میں دیر لگتی ہے

یوں مگرمچھ کے سے آنسو نہ بہائے، جائے !

 یوں مگرمچھ کے سے آنسو نہ بہائے، جائے !

بے سبب شور نہ آنگن میں مچائے، جائے !

ہم سمجھدار بھی سندر بھی وفادار بھی ہیں،

اب ہمیں بھی جو کوئی چھوڑ کے جائے، جائے !