حُسن اُس کا جب جہاں میں جَلوہ آرا ھو گیا جِس نے دیکھا

حُسن اُس کا جب جہاں میں جَلوہ آرا ھو گیا جِس نے دیکھا جِس طَرف محوِ
 تَماشا ھو گیا

 انجُمن میں جِس طَرف وہ لُطف فَرما ھو گیا کوئی عِیسٰی ھو
 گیا اور کوئی مُوسٰی ھو گیا

 وہ جو اُٹھے، انجُمن

 میں حَشر بَرپا ھو گیا یه
 قیامَت کا نیا مَضمُون 

پَیدا ھو گیا

 گر کہوں تو یه کہو گے

 تُجھکو سودا ھو
 گیا اِس زمانے میں کُچھ ایسا رنگِ دُنیا ھو گیا اِک بزُرگِ وَقت آئے ھیں یه
 چَرچا ھو گیا میں خُدا کے گھر میں جا کر اور رُسوا ھو گیا بُت پَرستی کرتے
 کرتے میں تو ایسا ھو گیا اھلِ ایماں کو بھی مُجھ سے رَشک پَیدا ھو گیا
 جب بھی خاطِر خُواہ تو نکلا نھیں دل کا غُبار جا کے جِس صِحرا میں رویا وہ
 بھی دَریا ھو گیا اب کہاں سوزِ جِگر اور دِلگُدازی وہ کہاں

 عِشق بازی اب تو
 کارِ اھلِ دُنیا ھو گیا جو مَکاں اُس نے بنایا رُوکشِ جَنت بنا جو شَجر اُس نے
 لگایا رَشکِ طُوبٰی ھو گیا نام اُس کا لیتے ھی تَسکین 

دل کو ھو گئی اب وہ
 آئے یا نه آئے کام اپنا ھو گیا اب مُجھی پر حصر کیا ھے اُسکے وہ انداز ھیں
 جو گیا محفل میں اُس کی اک ادا کا ھو گیا نُور افشاں وہ گُلِ رعنا جو آیا
 باغ میں دیدۂ نرگس چَمن میں چَشمِ بِینا ھو گیا ھر نَفَس کے ساتھ جو آنے
 لگی آواز سی کیا ھمارے دل کے اندر کوئی پَیدا ھو گیا مِٹتے مِٹتے مِٹ گئی
 یادِ بُتانِ سَنگدِل رَفته رَفته دل ھمارا، گھر خُدا کا ھو گیا میری آہِ نِیم شَب
 سے دل جو لرزا یار کا وہ بھی کیا یارب ترا عَرشِ مُعلٰی ھو گیا

 گرد جَھاڑی
 پیرِ مَیخانه نے اپنے ھاتھ سے دامنِ دُردی کشاں رَشکِ مُصلّا ھو گیا

 شِکوہ اُن
 سے کِیّـا کریں، 

کیوں انجُمن میں ھم گئے ھو گیا تقدیر میں جو کُچھ لکھا تھا،
 ھو گیا وہ عَیادَت کو ھیں آتے، غَیر کہہ کر چَل دیا تھا فَرشته موت کا،
 رَشکِ مَسیحا ھو گیا انقلابِ دہر ســـے شایَد بنا ھـــے

 آدمی ھر نَفَس میں کہہ
 نھیں سکتا که کیا کیا ھو گیا ذاتِ پاکِ پیرِ مَیخانه ھــے اک ابرِ کرم جو گیا
 قَطرے کا طالِب وہ ھی دَریا ھو گیا جو نه ھوتا کُچھ بھی واعِظ کِس کو
 کرتے رَہینِ مَے دُشمنِ توبه تُمھارا یه مُصلّا ھو گیا ھم کو دیکھا اور دیکھا
 بھی نگاہِ لُطف سے ھو گیا کُچھ تو اثر اپنی دُعا کا ھو گیا کُوچهء دِلبر نے
 میرا کر لیا سَجدہ قُبول اب تو خاصُ الخاص میں بندہ خُدا کا ھو گیا
 دِلکشی سی دِلکشی ھے دِلبری سی دِلبری جِس نے دیکھا

 نَقش اُس کا وہ ھی
 شَیدا ھو گیا یه خَبر اب تک نھیں مَیخانهء اُلفَت میں

 دِل جامِ کوثر ھو گیا
 یا جامِ صِہبا ھو گیا جان دے کر کُوچهء پیرِ مُغاں 

میں دیکھا خاکِ پا مائلؔ
 بھی خاصانِ خُدا کا ھو گیا

 حَضرت_مِرزا_مُحمَد_تَقی

semor

تم سے پہلے وہ جو اک شخص یہاں تخت نشیں تھا

خوشبو ہے ہواؤں میں بکھر جائے تو اچھا

  

سنا ہے کھل گئےتھے ، ان کے گیسو سیرگلشن میں

سنا ہے کھل گئےتھے ، ان کے

 گیسو سیرگلشن میں 

صبا تیرا  برا  ہو  ، تو نے

 مجھ کو بے خبر رکھا

نہ تُم آۓ شبِ وعدہ، پریشاں رات بھر رکھّا

دِیا اُمّید کا میں نے جلا کر تا سحر رکھّا

وہی دِل چھوڑ کر مجھ کو کسی کا ہو گیا آخر

جسے نازوں سے پالا، جس کو ارمانوں سے گھر رکھّا

جبیں کو مل گئ منزل، مذاقِ بندگی اُبھرا

جنوں میں ڈوب کر جس دم تری چوکھٹ پہ سر رکھّا

کہاں ہر ایک تیرے درد کی خیرات کے لائق

کرم تیرا کہ تُو نے مجھ کو بربادِ نظر رکھّا

غمِ دُنیا و مافیھا کو رُخصت کر دیا میں نے

ترا غم تھا جسے دل سے لگاۓ عُمر بھر رکھّا

سنا ہے کُھل گئے تھے اُن کے گیسو سیر گُلشن میں

صبا تیرا بُرا ہو تو نے مجھ کو بے خبر رکھّا

یہ اُسکے فیصلے ہیں جسکے حق میں جوبھی کر ڈالے

کسی کو دَر دِیا اپنا، کسی کو در بدر رکھّا

کبھی گزریں تو شاید دیکھ لوں میں اِک جھلک اُنکی

اِسی اُمیّد پر مدفن قریبِ راہ گُزر رکھّا

بھری محفل میں نا حق راز اُلفت کر دیا اِفشا

محبت کا بھرم تو نے نہ کچھ اے چشمِ تر! رکھّا

جو خط اوروں کے آۓ، اُس نے دیکھے دیر تک، لیکن

مرا خط ہاتھ میں لے کر اِدھر دیکھا اُدھر رکھّا

کوئی اُس طائر مجبور کی بے چارگی دیکھے

قفس میں بھی جسے صیّاد نے بے بال و پر رکھّا

یہ ممکن تھا ہم آ جاتے خرد مندوں کی باتوں میں

خوشا قسمت کہ فطرت نے ہمیں آشفتہ سر رکھّا

سر آنکھوں پر جسے اپنے بٹھایا عُمر بھر ہم نے

اُسی ظالم نے نظروں سے گرا کر عُمر بھر رکھّا

کہاں جا کر بھلا یوں دربدر کی ٹھوکریں کھاتے

نصیرؔ اچھّا کیا تم نے ہمیشہ ایک در رکھّا

عنایت ہے یہ تجھ پر اے نصیرؔ اُستادِ فطرت کی

کہ جو بھی لفظ رکھّا شعر میں، مثلِ گہر رکھّا

نصیرالدین نصیر

Read more

رات آنکھوں میں ڈھلی پلکوں پے جگنو آئے

our

ابھی تکلف ہے گفتگو میں، ابھی محبت نئی نئی ہے

ﺫﮐﺮ ﺷﺐِ ﻓﺮﺍﻕ ﺳﮯ ﻭﺣﺸﺖ ﺍﺳﮯ ﺑﮭﯽ ﺗﮭﯽ

 ﺷﺐِ ﻓﺮﺍﻕ ﺳﮯ ﻭﺣﺸﺖ ﺍﺳﮯ

 ﺑﮭﯽ ﺗﮭﯽ

ﻣﯿﺮﯼ ﻃﺮﺡ ﮐﺴﯽ ﺳﮯ ﻣﺤﺒﺖ

 ﺍﺳﮯ ﺑﮭﯽ ﺗﮭﯽ

ﻣﺠﮫ ﮐﻮ ﺑﮭﯽ ﺷﻮﻕ ﺗﮭﺎ ﻧﺌﮯ

 ﭼﮩﺮﻭﮞ ﮐﯽ ﺩﯾﺪ ﮐﺎ

ﺭﺳﺘﮧ ﺑﺪﻝ ﮐﮯ ﭼﻠﻨﮯ ﮐﯽ ﻋﺎﺩﺕ

 ﺍﺳﮯ ﺑﮭﯽ ﺗﮭﯽ

ﺍﺱ ﺭﺍﺕ ﺩﯾﺮ ﺗﮏ ﻭﮦ ﺭﮨﺎ ﻣﺤﻮِ

 ﮔﻔﺘﮕﻮ

ﻣﺼﺮﻭﻑ ﻣﯿﮟ ﺑﮭﯽ ﮐﻢ ﺗﮭﺎ

 ﻓﺮﺍﻏﺖ ﺍﺳﮯ ﺑﮭﯽ ﺗﮭﯽ

ﻣﺠﮫ ﺳﮯ ﺑﭽﮭﮍ ﮐﮯ ﺷﮩﺮ ﻣﯿﮟ

 گھل ﻣﻞ ﮔﯿﺎ ﻭﮦ ﺷﺨﺺ

ﺣﺎﻻﻧﮑﮧ ﺷﮩﺮ ﺑﮭﺮ ﺳﮯ ﻋﺪﺍﻭﺕ

 ﺍﺳﮯ ﺑﮭﯽ ﺗﮭﯽ

ﻭﮦ ﻣﺠﮫ ﺳﮯ ﺑﮍﮪ ﮐﮯ ﺿﺒﻂ ﮐﺎ

 ﻋﺎﺩﯼ ﺗﮭﺎ ﺟﯽ ﮔﯿﺎ

ﻭﺭﻧﮧ ﮨﺮ ﺍﯾﮏ ﺳﺎﻧﺲ ﻗﯿﺎﻣﺖ

 ﺍﺳﮯ ﺑﮭﯽ ﺗﮭﯽ

ﺳﻨﺘﺎ ﺗﮭﺎ ﻭﮦ ﺑﮭﯽ ﺳﺐ ﺳﮯ

 ﭘﺮﺍﻧﯽ ﮐﮩﺎﻧﯿﺎﮞ

ﺷﺎﯾﺪ ﺭﻓﺎﻗﺘﻮﮞ ﮐﯽ ﺿﺮﻭﺭﺕ

 ﺍﺳﮯ ﺑﮭﯽ ﺗﮭﯽ

ﺗﻨﮩﺎ ﮨﻮﺍ ﺳﻔﺮ ﻣﯿﮟ ﺗﻮ ﻣﺠﮫ ﭘﺮ

 ﮐﮭﻼ ﯾﮧ ﺑﮭﯿﺪ

ﺳﺎﺋﮯ ﺳﮯ ﭘﯿﺎﺭ ﺩﮬﻮﭖ ﺳﮯ

 ﻧﻔﺮﺕ ﺍﺳﮯ ﺑﮭﯽ ﺗﮭﯽ

ﻣﺤﺴﻦ ﻣﯿﮟ ﺍﺱ ﺳﮯ ﮐﮩﮧ ﻧﮧ

 ﺳﮑﺎ ﯾﻮﮞ ﺑﮭﯽ ﺣﺎﻝِ ﺩﻝ

ﺩﺭﭘﯿﺶ ﺍﯾﮏ ﺗﺎﺯﮦ ﻣﺼﯿﺒﺖ ﺍﺳﮯ

 ﺑﮭﯽ ﺗﮭﯽ

محسن نقوی

Read more 
مجھے دل کی خطا پر یاسؔ شرمانا نہیں آتا
Our 
خود کو اہل وفا سمجھتے ہیں

 

        ملاتے ہو اسی کو خاک میں جو دل سے ملتا ہے

           مری جاں چاہنے والا بڑی مشکل سے ملتا ہے

    کہیں ہے عید کی شادی کہیں ماتم ہے مقتل میں 

     کوئی قاتل سے ملتا ہے کوئی بسمل سے ملتا ہے

      پس پردہ بھی لیلی ہاتھ رک لیتی ہے آنکھوں پر

             غبارِ ناتوانِ قیس جب محمل سے ملتا ہے

بھرے ہیں تجھ میں وہ لاکھوں ہنر اے مجمع خوبی 

               ملاقاتی ترا گویا بھری محفل سے ملتا ہے 

  مجھے آتا ہے کیا کیا رشک وقتِ ذبح اس سے بھی

         گلا جس دم لپٹ کر خنجرِ قاتل سے ملتا ہے 

      بظاہر با ادب یوں حضرتِ ناصح سے ملتا ہوں 

         مریدِ خاص جیسے مرشدِ کامل سے ملتا ہے

       مثال گنج قاروں اہل حاجت سے نہیں چھپتا 

جو ہوتا ہے سخی خود ڈھونڈ کر سائل سے ملتا ہے

جواب اس بات کا اس شوخ کو کیا دے سکے کوئی 

جو دل لے کر کہے کم بخت تو کس دل سے ملتا ہے 

چھپانے سے کوئی چھپتی ہے اپنے دل کی بیتابی 

        کہ ہر تارِ نفس اپنا رگِ بسمل سے ملتا ہے

عدم کی جو حقیقت ہے وہ پوچھو اہلِ ہستی سے 

      مسافر کو تو منزل کا پتہ منزل سے ملتا ہے 

غضب ہے داغ کے دل سے تمہارا دل نہیں ملتا

    تمہارا چاند سا چہرہ مہ کامل سے ملتا ہے 

داغ دہلوی

Read more

میں زوال عشق کی سب سے حسیں کہانی ہوں

Our 

لب پہ اظہارِ تمنا نہیں رہنے دیتی

ﺗﻢ ﺗﻮ ﻭﻓﺎ ﺷﻨﺎﺱ ﻭ ﻣﺤﺒﺖ ﻧﻮﺍﺯ ﮬﻮ

ﺗﻢ ﺗﻮ ﻭﻓﺎ ﺷﻨﺎﺱ ﻭ ﻣﺤﺒﺖ ﻧﻮﺍﺯ ﮬﻮ

ﮬﺎﮞ ، ﻣﯿﮟ ﺩﻏﺎ ﺷﻌﺎﺭ ﺳﮩﯽ، ﺑﮯ ﻭﻓﺎ ﺳﮩﯽ

ﺗﻢ ﮐﻮ ﺗﻮ ﻧﺎﺯ ﮬﮯ ﺩﻝِ ﺍﻟﻔﺖ ﻧﺼﯿﺐ ﭘﺮ

ﻣﯿﮟ ﻣﺎﺟﺮﺍﺋﮯ ﺩﺭﺩ ﺳﮯ ﻧﺎ ﺁﺷﻨﺎ ﺳﮩﯽ

ﻧﺎ ﺁﺷﻨﺎﺋﮯ ﺩﺭﺩ ﮐﻮ ﺷﮑﻮﮦ ﺳﮯ ﮐﯿﺎ ﻏﺮﺽ

ﺗﻢ ﮐﻮ ﺷﮑﺎﯾﺖِ ﻏﻢِ ﻓﺮﻗﺖ ﺭﻭﺍ ﺳﮩﯽ

ﺗﻢ ﮐﻮ ﺗﻮ ﺭﺳﻢِ ﻇﻠﻢ ﻭ ﺳﺘﻢ ﺳﮯ ﮬﮯ

 ﺍﺟﺘﻨﺎﺏ

ﺗﻢ ﺳﺮ ﺑﺴﺮ ﻋﻄﺎ ﺳﮩﯽ ﺍﻭﺭ ﻣﯿﮟ ﺧﻄﺎ

 ﺳﮩﯽ

ﻣﯿﮟ ﻣﺤﻔﻞِ ﻧﺸﺎﻁ ﻣﯿﮟ ﻧﻐﻤﮧ ﻃﺮﺍﺯِ ﺷﻮﻕ

ﺗﻢ ﺯﯾﺮِ ﻟﺐ ﺗﺒﺴﻢِ ﺣﺴﺮﺕ ﻧﻤﺎ ﺳﮩﯽ

ﺗﻢ ﮐﻮ ﺧﯿﺎﻝِ ﻏﻢ ﺳﺒﺐِ ﺍﺿﻄﺮﺍﺏِ ﺩﻝ

ﻣﺠﮫ ﮐﻮ ﺑﯿﺎﻥِ ﺩﺭﺩ ﻣﺴﺮﺕ ﻓﻀﺎ ﺳﮩﯽ

ﺗﻢ ﮐﻮ ﻣﯿﺮﺍ ﺗﺴﺎﮨﻞِ ﺧﻂ ﻭﺟﮧِ ﺍﻧﺘﺸﺎﺭ

ﻣﺠﮫ ﮐﻮ ﺗﻤﮩﺎﺭﺍ ﻃﺮﺯِ ﺗﻐﺎﻓﻞ ﺍﺩﺍ ﺳﮩﯽ

ﻣﯿﮟ ﺍﻧﺘﻈﺎﺭِ ﺧﻂ ﮐﯽ ﺻﻌﻮﺑﺖ ﺳﮯ ﺑﮯ

 ﺧﺒﺮ

ﺗﻢ ﺍﻧﺘﻈﺎﺭِ ﺧﻂ ﻣﯿﮟ ﺳﺪﺍ ﻣﺒﺘﻼ ﺳﮩﯽ

ﻣﯿﮟ ﺍﺷﺘﯿﺎﻕِ ﺩﯾﺪ ﻭ ﻣﺮﻭﺕ ﺳﮯ ﺑﮯ ﻧﯿﺎﺯ

ﺍﻭﺭ ﺗﻢ ﻧﮕﺎﺭ ﺧﺎﻧﮧِ ﻣﮩﺮ ﻭ ﻭﻓﺎ ﺳﮩﯽ

   ادا جعفری

Read more 

وہ میری آنکھ کی ٹھنڈک ،سکون، بینائی

Our 

اک حسن کی دیوی سے مجھے پیار ہوا تھا

 

اور اس دل میں کیا رکھا ہے

تیرا ہی درد چھپا رکھا ہے

اتنے دکھوں کی تیز ہوا میں

دل کا دیپ جلا رکھا ہے

دھوپ سے چہروں نے دنیا

 میں

کیا اندھیر مچا رکھا ہے

اس نگری کے کچھ لوگوں نے

دکھ کا نام دوا رکھا ہے

وعدۂ یار کی بات نہ چھیڑو

یہ دھوکا بھی کھا رکھا ہے

بھول بھی جاؤ بیتی باتیں

ان باتوں میں کیا رکھا ہے

چپ چپ کیوں رہتے ہو ناصر

یہ کیا روگ لگا رکھا ہے

دیوان ناصر کاظمی

Read more 

دِلِ گمشدہ! کبھی مل ذراکسی

Our 

چلو وہ عشق نہیں چاہنے کی عادت ہے

گفتگو اچھی لگی ذوق نظر اچھا لگا

 گفتگو اچھی لگی ذوق نظر

 اچھا لگا

مدتوں کے بعد کوئی ہم سفر

 اچھا لگا

دل کا دکھ جانا تو دل کا

 مسئلہ ہے پر ہمیں

اس کا ہنس دینا ہمارے حال

 پر اچھا لگا

ہر طرح کی بے سر و

 سامانیوں کے باوجود

آج وہ آیا تو مجھ کو اپنا گھر

 اچھا لگا

باغباں گلچیں کو چاہے جو

 کہے ہم کو تو پھول

شاخ سے بڑھ کر کف دل دار

 پر اچھا لگا

کوئی مقتل میں نہ پہنچا کون

 ظالم تھا جسے

تیغ قاتل سے زیادہ اپنا سر

 اچھا لگا

ہم بھی قائل ہیں وفا میں

 استواری کے مگر

کوئی پوچھے کون کس کو

 عمر بھر اچھا لگا

اپنی اپنی چاہتیں ہیں لوگ

 اب جو بھی کہیں

اک پری پیکر کو اک آشفتہ سر

 اچھا لگا

میرؔ کے مانند اکثر زیست کرتا

 تھا فرازؔ

تھا تو وہ دیوانہ سا شاعر

 مگر اچھا لگا

احمد فراز

Read more

آپھر کریں یار طرحدار،کی باتیں

Our

میرے دل کے سبھی موسم اسی پہ جا کے کھلتے تھے

لہرائے سدا آنکھ میں پیارے تیرا آنچل

 

لہرائے سدا آنکھ میں پیارے تیرا آنچل 

جھومر ہے تیرا چاند ــ ســتارے تیرا آنچل

اَب تک میری یادوں میں ہے رنگوں کا تلاطم 

دیکھا تھا کبھی ــ جھیل کنارے تیرا آنچل

لپٹے کبھی شانوں سے کبھی زُلف سے اُلجھے 

کیوں ڈُھونڈھتا رہتا ہے ــ سہارے تیرا آنچل

مہکیں تیری خوشبُو سے دہکتی ہُوئی سانسیں 

جب تیز ہوا ــ خود سے اُتارے تیرا آنچل

آنچل میں رَچے رنگ نِکھاریں تیری زُلفیں 

اُلجھی ہوُئی زُلفوں کو ــ سنوارے تیرا آنچل

اس وقت ہے تتلی کی طرح دوشِ ہوَا پر 

اس وقت کہاں ــ بس میں ہمارے تیرا آنچل

کاجل تیرا بَہہ بَہہ کے رُلائے مجھے اَب بھی 

رَہ رَہ کے مجھے اَب بھی ــ پُکارے تیرا آنچل

محسنؔ نقوی

read more

اہل خرز نہ آج تک،ڈھونڈ سکے نہ جواز عشق

our

محبت میں جو آسانی نہیں ہے

 

دکھ فسانہ نہیں کہ تجھ سے کہیں

دل بھی مانا نہیں کہ تجھ سے کہیں

آج تک اپنی بیکلی کا سبب

خود بھی جانا نہیں کہ تجھ سے کہیں

بے طرح حال دل ہے اور تجھ سے

دوستانہ نہیں کہ تجھ سے کہیں

ایک تو حرف آشنا تھا مگر

اب زمانہ نہیں کہ تجھ سے کہیں

قاصدا ہم فقیر لوگوں کا

اک ٹھکانہ نہیں کہ تجھ سے کہیں

اے خدا درد دل ہے بخشش دوست

آب و دانہ نہیں کہ تجھ سے کہیں

اب تو اپنا بھی اس گلی میں فرازؔ

آنا جانا نہیں کہ تجھ سے کہیں

احمد فراز

read more

ہوئی کسی سے مُلاقات، یہ تو ہونا تھا

our

دل کا دیارِ خواب میں ، دور تلک گُزر رہا

 

اب وہ منظر نہ وہ چہرے ہی نظر آتے ہیں

مجھ کو معلوم نہ تھا خواب بھی مر جاتے ہیں

جانے کس حال میں ہم ہیں کہ ہمیں دیکھ کے سب

ایک پل کے لیے رکتے ہیں گزر جاتے ہیں

طعنہٓ نشّہ نہ دو سب کو کہ کچھ سوختہ جاں

شدّتِ تشنہ لبی سے بھی بہک جاتے ہیں

جیسے تجدید تعلّق کی بھی رُت ہو کوئی

زخم بھرتے ہیں تو غمخوار بھی آ جاتے ہیں

احتیاط اہلِ محبت کہ اسی شہر میں لوگ

گُل بدست آتے ہیں اور پا بہ رسن جاتے ہیں

احمد فراز

read more

پاس آؤ اک التجا سن لو

our

جیسے کوئی محراب نُما زخم ہو کاشف

کیوں زیاں کار بنوں،سُود فراموش رہوں

 شکوہ ڈاکٹر علامہ محمد اقبال 

کیوں زیاں کار بنوں،سُود فراموش رہوں

فکرِ فردا نہ کروں،محوِ غمِ دوش رہوں

نالے بُلبُل کے سُنوں اور ہمہ تن گوش رہوں

ہم نوا میں بھی کوئی گُل ہوں کہ خاموش رہوں

جُرأت آموز میری تابِ سخن ہے مجھ کو

شکوہ اللہ سے،حاکمِ بدہن ہے مجھ کو

ہے بجا شیوۂ تسلیم میں مشہور ہیں ہم

قصّۂ درد سُناتے ہیں کہ مجبور ہیں ہم

ساز خاموش ہیں ،فریاد سے معمور ہیں ہم

نالہ آتا ہے اگر لب پہ تو معذور ہیں ہم

اے خدا! شکوۂ اربابِ وفا بھی سُن لے

خوگرِ حمد سے تھوڑا سا گِلا بھی سُن لے

تھی توموجود ازل سے ہی تری ذاتِ قدیم

پُھول تھا زیب چمن پر نہ پریشان تھی شمیم

شرطِ اِنصاف ہے اَے صاحبِ الطافِ عمیم

بوئے گُل پھیلتی کِس طرح جو ہوتی نہ نسیم

ہم کو جمعیّتِ خاطر یہ پریشانی تھی

ورنہ اُمّت تیرے محبوبؐ کی دیوانی تھی؟

ہم سے پہلے تھا عجب تیرے جہان کا منظر

کہیں مسجود تھے پتّھر،کہیں معبود شجر

خُوگرِ پیکرِ محسوس تھی اِنساں کی نظر

مانتا پھر کوئی اَن دیکھے خدا کو کیونکر

تجھ کو معلوم ہے لیتا تھا کوئی نام ترا؟

قوّتِ بازوئے مسلم نے کیا کام ترا

بس رہے تھے یہیں سلجوق بھی ،تُورانی بھی

اہلِ چیں چین میں،ایران میں ساسانی بھی

اِس معمورے میں آباد تھے یونانی بھی

اِسی دُنیا میں یہودی بھی تھے،نصرانی بھی

پر ترے نام پہ تلوار اُٹھائی کس نے

بات جو بگڑی ہوئی تھی،وہ بنائی کس نے

تھے ہمیں ایک ترے معرکہ آراؤں میں

خشکیوں میں کبھی لڑتے ،کبھی دریاؤں میں

دِیں اذانیں کبھی یورپ کے کلیساؤں میں

کبھی افریقہ کے تپتے ہوئے صحراؤں میں

شان آنکھوں میں نہ جچتی تھی جہاں داروں کی

کلمہ پڑھتے تھے ہم چھاؤں میں تلواروں کی

ہم جو جیتے تھے تو جنگوں کی میصبت کے لئے

اور مرتے تھے ترے نام کی عظمت کے لئے

تھی نہ کچھ تیغ زنی اپنی حکومت کے لئے

سر بکف پھرتے تھے کیا،کیا دہر میں دولت کے لئے؟

قوم اپنی جو زرومالِ جہاں پہ مرتی

بُت فروشی کے عِوض بُت شکنی کیوں کرتی؟

ٹل نہ سکتے تھے اگر جنگ میں اڑ جاتے تھے

پاؤں شیر کے بھی میداں سے اُکھڑ جاتے تھے

تجھ سے سر کش جو ہوا کوئی تو بگڑ جاتے تھے

تیغ کیا چیز ہے ہم توپ سے بھی لڑ جاتے تھے

نقش توحید کاہر دِل پہ بٹھایا ہم نے

زیرِ حنجر بھی یہ پیغام سُنایا ہم نے

تُو ہی کہہ دے کہ اُکھاڑا درِ خیبر کس نے

شہر قیصر کا جوتھا،اُسکو کیا سَر کس نے

توڑے مخلوق خداوندوں کے پیکر کس نے

کاٹ کے رکھ دیے کفّار کے لشکر کس نے

کس نے ٹھنڈا کیا آتشکدۂ ایراں کو؟

کس نے پھر زندہ کیا تذکرۂ یزداں کو؟

کون سی قوم فقط تیری طلبگار ہوئی

اور تیرے لئے زحمت کشِ پیکار ہوئی

کِس کی شمشیر جہاں گیر،جہاں دار ہوئی

کس کی تکبیر سے دنیا تری بیدار ہوئی

کس کی ہیبت سے صنم سہمے ہوئے رہتے تھے

مُنہ کے بَل گر کے "ھُوَ اللہُ اَحَد"کہتے تھے

آگیا عین لڑائی میں اگر وقتِ نماز

قبلہ رُو ہو کے زمیں بوس ہوئی قومِ حجاز

ایک ہی صف میں کھڑے ہوگئے محمود و ایاز

نہ کوئی بندہ رہا اور نہ کوئی بندہ نواز

بندہ و صاحب و محتاج و غنی ایک ہوئے

تیری سرکار میں پہنچے تو سبھی ایک ہوئے

محفلِ کون و مکاں میں سحر و شام پھرے

مئے توحید کو لے کر صفتِ جام پھرے

کوہ میں، دشت میں لے کر ترا پیغام پھرے

اور معلوم ہے تجھ کو،کبھی ناکام پھرے

دشت تو دشت ہیں ،دریا بھی نہ چھوڑے ہم نے

بحرِ ظلمات میں دوڑا دیے گھوڑے ہم نے

صفحۂ دۃر سے باطل سے مٹایا ہم نے

نوعِ انساں کو غلامی سے چھڑایا ہم نے

تیرے کعبے کو جبینوں سے بسایا ہم نے

تیرے قرآن کو سینوں سے لگایا ہم نے

پھر بھی ہم سے یہ گِلا ہے کہ وفادار نہیں

ہم وفادار نہیں،تُو بھی تو دِلدار نہیں

اُمتیں اور بھی ہیں ، اُن میں گناہگار بھی ہیں

عجز والے بھی ہیں، مست مئے پندار بھی ہیں

ان میں کاہل بھی ہیں،غافل بھی ہیں،ہشیار بھی ہیں

سینکڑوں ہیں کہ ترے نام سے بیزار بھی ہیں

رحمتیں ہیں تری اغیار کے کاشنوں پر

برق گرتی ہے تو بیچارے مسلمانوں پر

بُت صنم خانوں مین کہتےہیں مسلماں گئے

ہے خوشی ان کو کہ کعبے کے نگہبان گئے

منزلِ دہر سے اونٹوں کے حدی خواں گئ

اپنی بغلوں میں دبائے ہوئے قرآن گئے

خندہ زن ہے کُفر،احساس تجھے ہے کے نہیں

اپنی توحید کا کچھ پاس تجھے ہے کہ نہیں

یہ شکایت نہیں، ہیں اُنکے خزانے معمور

نہیں محفل میں جنھیں بات بھی کرنے کا شعور

قہر تو یہ ہے کہ کافر کو ملیں حُور و قصور

اور بیچارے مسلماں کو فقط وعدۂ حور

اب وہ الطاف نہیں، ہم پہ عنایات نہیں

بات یہ کیا ہے کہ پہلی سی مدارات نہیں

کیوں مسلماں میں ہے دولتِ دنیا نایاب

تیری قدرت تو ہے وہ جس کی نہ حد ہے نہ حساب

تُو جو چاہے تو اُٹھے سینۂ صحرا سے حباب

رہروِ دشت ہو سیلی زدۂ موجِ سراب

طعنِ اغیار ہے، رسوائی ہے،ناداری ہے

کیا تیرے نام پہ مرنے کا عوض خواری ہے؟

بنی اغیار کی چاہنے والی دنیا

رہ گئی اپنے لئے ایک خیالی دنیا

ہم تو رخصت ہوئے اوروں نے سنبھالی دنیا

پھر نہ کہنا ہوئی توحید سے حالی دنیا

ہم تو جیتے ہیں کہ دنیا میں تیرا نام رہے

کہیں ممکن ہےکہ ساقی نہ رہے، جام رہے؟

تیری محفل بھی گئی، چاہنے والے بھی گئے

شب کی آہیں بھی گئیں، صبح کے نالے بھی گئے

دل تجھے دے بھی گئے، اپنی صِلا لے بھی گئے

آ کے بیٹھے بھی نہ تھے کہ نکالے بھی گئے

آئے عشّاق، گئے وعدۂ فردا لے کر

اب اُنھیں ڈھونڈ چراغِ رُخِ زیبا لے کر

دردِ لیلیٰ بھی وہی،قیس کا پہلو بھی وہی

نجد کے دشت و جبل میں رَمِ آہو بھہ وہی

عشق کا دل بھی وہی،خسن کا جادو بھی وہی

اُمّتِ احمدِ مرسل بھی وہی، تُو بھی وہی

پھر یہ آزردگیِ غیر سبب کا معنی

اپنے شیداؤں یہ چشمِ غضب کیا معنی

تجھ کو چھوڑا کہ رسولِ عربی کو چھوڑا؟

بُت گری پیشہ کیا، بت شکنی کو چھوڑا؟

عشق کو، عشق کی آشفتہ سری کو چھوڑا؟

رسمِ سلمانؓو اویس قرنیؓ کو چھوڑا؟

آگ تکبیر کی سینوں میں دبی رکھتے ہیں

زندگی مثلِ بلال حبشی رکھتے ہیں

عشق کی خیر وہ پہلے سی ادا بھی نہ سہی

جادہ پیمائیِ تسلیم و رضا بھی نہ سہی

مُضطِرب دل صفت قبلہ نما بھی نہ سہی

اور پابندیِ آئینِ وفا بھی نہ سہی

کبھی ہم سے، کبھی غیروں سے شناسائی ہے

بات کہنے کی نہیں،تُو بھی تو ہرجائی ہے

سرِ فاران کیا دین کو کامل تُو نے

اِک اشارے میں پزروں کے لئے دل تُو نے

آتش اندوز کیا عشق کا حاصل تُو نے

پُھونک دی گرمیِ رُخسار سے محفل تُو نے

آج کیوں سینے ہمارے شرر بار نہیں

ہم وہی سوختہ ساماں ہیں، تجھے یاد نہیں؟

وادی نجد میں وہ شورِ سلاسل نہ رہا

قیس دیوانۂ نظّارۂ محمل نہ رہا

حوصلے وہ نہ رہے،ہم نہ رہے، دل نہ رہا

گھر یہ اُجڑا ہے کہ تُو رونقِ محفل نہ رہا

اے خوش آں روز کہ آئی و بصد ناز آئی

بے حجابانہ سُوئے محفلِ ما باز آئی

بادہ کش غیر ہیں گلشن میں لبِ جُو بیٹھے

سُنتے ہیں جام بکف نغمۂ کُو کُو بیٹے

سور ہنگامۂ گُلزار سے یک سُو بیٹھے

تیرے دیوانے بھی ہیں مُنتظر "ھُو" بیٹھے

اپنے پروانوں کی پھر ذوقِ خُود افروزی دے

برقِ دیرینہ کو فرمانِ جگر سوزی دے

قوم آوارہ عناں تاب ہے پھر سُوئے حجاز

لے اُرا بلبلِ بے پر کو مذاقِ پرواز

مضطرب باغ کے ہر غنچے میں ہے، بُوئے نیاز

تُو ذرا چھیڑ تو دے، تشنۂ مضراب ہے ساز

نغمے بیتاب ہیں تاروں سے نلکنے کے لئے

طُور مضطر ہے اُسی آگ میں جلنے کے لئے

مُشکلیں اُمّتِ مرحوم کی آساں کردے

مُورِ بے مایہ کو ہمدوشِ سلیماں کردے

جنس نایابِ محبّت کو پھر ارزاں کر دے

ہند کے دَیر نشینوں کو مسلماں کر دے

جُوئے خوں می چکدا از حسرتِ دیرینہ ما

می تپد نالۂ بہ نشتر کدۂ سینۂ ما

بُوئے گُل لے گئی بیرون چمن رازِ چمن

کیا قیامت ہے کہ خود کہ خود پُھول ہیں غمّازِ چمن

عہدِ گُل ختم ہوا، ٹوٹ گیا سازِ چمن

اُڑ گئے دالیوں سے زمزمہ پرداز چمن

ایک بُلبل ہے کہ محو ترنّم ہے اب تک

اس کے سینے میں ہے نغموں کا تلاطم اب تک

قُمریاں شاخِ صنوبر سے گریزاں بھی ہوئیں

پتّیاں پُھول کی جھڑ جھڑ کے پریشاں بھی ہوئیں

وہ پرانی روشیں باغ کی ویراں بھی ہوئیں

ڈالیاں پیرہنِ برگ سے عُریاں بھی ہوئیں

قیدِ موسم سے طبیعت رہی آزاد اس کی

کاش گُلشن سمجھتا کوئی فریاد اس کی

لُطف مرنے میں ہے، نہ مزا جینے میں

کچھ مزا ہے تو یہی خونِ جگر پینے میں

کتنے بیتاب ہیں جوہر مرے آئینے میں

کس قدر جلواے تڑپ رہے ہیں مرے سینے میں

اس گُلستان میں مگر دیکھنے والے ہی نہیں

داغ جو سینے میں رکھتا ہوں، وہ لالے ہی نہیں

چاک اس بُلبلِ تنہا کی نوا سے دل ہوں

جاگنے والے اسی بانگِ درا سے دل ہوں

یعنی پھر زندہ نئے عہدِ وفا سے دل ہوں

پھر اِسی بادۂ دیرینہ کے پیاسے دل ہوں

عجمی خُم ہے تو کیا،مے تو حجازی ہے مری

نغمہ ہندی ہے تو کیا،لَے تو حجازی ہے مری

کلام :ڈاکٹر علامہ محمد اقبال

read more

یہ دشت ، یہ دریا ، یہ مہکتے ہوئے گلزار

our

میری آنکھوں کی یہ حسرت کہ مدینہ دیکھیں